İmtahanı bir gecəyə oxuyub 91+ (A) almaq: Tələbənin üstün bacarığıdır…

Fariz Esedzade

İmtahanı bir gecəyə oxuyub 91+ (A) almaq: Tələbənin üstün bacarığıdır, yoxsa təhsilin boşluğundan ibarətdir?

Universitetdə oxuyan demək olar ki, hər kəsin belə bir hekayəsi var. Bütün semestr dərslərə baxmırsan, amma imtahandan bir gecə əvvəl səhərə qədər oxuyub yüksək qiymət alırsan. İki gün sonra isə həmin mövzu haqqında soruşsalar, yaddaş tamamilə sıfırlanır.

Tələbələr arasında bu bir qəhrəmanlıq kimi danışılır. Amma dürüst olaq, bu həqiqətən tələbənin dahi olmasından xəbər verir, yoxsa təhsil sisteminin və imtahanların sadəcə əzbərçilik üzərində qurulmasından?

İş həyatına girəndə heç bir şirkət bizim o bir gecədə aldığımız qiymətlərə baxmır, "nə bacarırsan?" deyə soruşur. Sistem isə bizi hələ də real öyrənmək üçün yox, sadəcə qiymət xətrinə oxumağa məcbur edir. Sonda əlimizdə yüksək ortalama (GPA) olur, amma iş mühitinə tamamilə hazırlıqsız oluruq.

Sizcə günah kimdədir? Bir gecəyə oxuyub sistemi aldadan tələbədə, yoxsa tələbəni buna məcbur edən əzbərçi sistemdə?

Universitet illərində bu yolla imtahan keçənlər, o biliklərdən real işinizdə istifadə edə bildiniz, yoxsa hamısı elə imtahan zalında qaldı?

Fikirlərinizi rəylərdə gözləyirəm 👇

#azerbaijan #students #education #career #tehsil #telebe #karyera #isheyati #universitet #imtahan #gpa